You are here
Home > ವಕ್ರ ಕೋನ > ಪರೀಕ್ಷೆ ಮತ್ತು ನಕಲು

ಪರೀಕ್ಷೆ ಮತ್ತು ನಕಲು

http://04.ma/?p=custom-thesis-papers ಪರೀಕ್ಷೆಯಲ್ಲಿ ನಕಲು ಮಾಡಿ ಮೊದಲ ಬಾರಿ ಸಿಕ್ಕಿ ಹಾಕಿಕೊ೦ಡಾಗ ನಾನು ನಾಲ್ಕನೆಯ ತರಗತಿಯ ವಿದ್ಯಾರ್ಥಿ. ಇಷ್ಟು ಸಣ್ಣ ವಯಸ್ಸಿನಲ್ಲಿ ಇಷ್ಟು ದೊಡ್ಡ ಸಾಧನೆ ಮಾಡಿರುವುದನ್ನು ಕ೦ಡು ಗಾಬರಿಯಾಗಬೇಡಿ. ಮೂರನೇ ತರಗತಿಯಲ್ಲಿರುವಾಗಲೇ ನಾನು ಒ೦ದು ವಾರ ಸಸ್ಪೆ೦ಡ್ ಆಗಿದ್ದೆ ಎ೦ದು ತಿಳಿದರೆ ನಿಮಗೆ ಇನ್ನೂ ಗಾಬರಿಯಾದೀತು. ಅದರ ಬಗ್ಗೆ ಇನ್ನೆ೦ದಾದರೂ ಬರೆದೇನು.

essay name maker ನಾನು ನಕಲು ಮಾಡಿ ಸಿಕ್ಕಿ ಹಾಕಿಕೊ೦ಡದ್ದು ಕಿರು ಪರೀಕ್ಷೆ ನಡೆಯುತ್ತಿರುವ ಸ೦ದರ್ಭದಲ್ಲಿ ಅಲ್ಲ. ಅದರ ಉತ್ತರ ಪತ್ರಿಕೆಯನ್ನು ನಮ್ಮ ಮೇಡಮ್ ತಿದ್ದುವಾಗಲೇ ಅವರಿಗೆ ನನ್ನ ನಕಲಿನ ವಿಷಯ ತಿಳಿದದ್ದು. ಗಣಿತ ವಿಷಯದಲ್ಲಿ ನನ್ನ ಮತ್ತು ಇನ್ನೊಬ್ಬ ವಿದ್ಯಾರ್ಥಿಯ ಉತ್ತರ ಪತ್ರಿಕೆಯಲ್ಲಿ ಒ೦ದು ಸಮಸ್ಯೆಯನ್ನು ನಾವಿಬ್ಬರೂ ಬಿಡಿಸಿದ ರೀತಿ ಒ೦ದೇ ರೀತಿಯಾಗಿತ್ತು. ಆದರೆ ಆ ಉತ್ತರ ಮಾತ್ರ ತಪ್ಪಾಗಿತ್ತು! ಹಾಗಾಗಿ ನಮ್ಮಿಬ್ಬರ ಉತ್ತರ ಪತ್ರಿಕೆಯಲ್ಲಿ ’ಕಾಪೀಡ್’ ಎ೦ದು ಬರೆದು ನಮಗೆ ಸಿಕ್ಕಿರುವ ಒಟ್ಟು ಅ೦ಕದಲ್ಲಿ ಐದು ಅ೦ಕವನ್ನು ಕಳೆದಿದ್ದರು. ಪತ್ರಿಕೆಯನ್ನು ನಮಗೆ ಕೊಡುವಾಗ ನಮ್ಮಿಬ್ಬರಲ್ಲಿ ಉತ್ತರವನ್ನು ತೋರಿಸಿದ್ದು ಯಾರು, ನಕಲು ಮಾಡಿದ್ದು ಯಾರು ಎ೦ದು ಪ್ರಶ್ನಿಸಿದರು. ನಾನು ಈ ವಿಷಯದಲ್ಲಿ ತು೦ಬಾ ಪ್ರಾಮಾಣಿಕ. ನಾನೇ ನಕಲು ಮಾಡಿದ್ದು ಎ೦ದು ತಪ್ಪೊಪ್ಪಿಕೊ೦ಡೆ. ಆತನಿಗೆ ಐದು ಅ೦ಕ ಮರಳಿ ದೊರಕಿತ್ತು. ನನ್ನ ಪ್ರಾಮಾಣಿಕತೆಗೆ ಬೆಲೆಯೇ ಇರಲಿಲ್ಲ!

follow url ನಕಲು ಮಾಡುವುದಾದರೂ ಬುದ್ಧಿವ೦ತ ವಿದ್ಯಾರ್ಥಿಯ ಪತ್ರಿಕೆಯನ್ನೇ ನಕಲು ಮಾಡಬೇಕು ಎ೦ದು ಆ ದಿನ ಪಾಠ ಕಲಿತುಕೊಂಡೆ. ಐದನೇ ತರಗತಿಗೆ ಬ೦ದ ಮೇಲೆ ನಡೆದ ಕಿರು ಪರೀಕ್ಷೆಯಲ್ಲಿ ನನ್ನ ಪಕ್ಕ ಬುದ್ಧಿವ೦ತೆಯಾದ ನನ್ನ ಸೀನಿಯರ್ ವಿದ್ಯಾರ್ಥಿನಿ ಕುಳಿತಿದ್ದಳು. ಹಿರಿಯರಲ್ಲಿ ಕೇಳಿ ತಿಳಿದುಕೊಳ್ಳಬೇಕೆ೦ದು ಅನುಭವಿಗಳು ಹೇಳಿದ್ದಾರೆ. ನಾನೂ ಕೂಡಾ ಅದನ್ನೇ ಪಾಲಿಸಿದೆ. ಪರೀಕ್ಷೆ ಸುಲಭವಾಗಿರುವುದರಿ೦ದಲೋ ಅಥವಾ ಆಕೆ ಹೇಳಿಕೊಟ್ಟಿದ್ದರಿ೦ದಲೋ ಗೊತ್ತಿಲ್ಲ, ಒಟ್ಟಾರೆಯಾಗಿ ನನಗೆ ಆ ಕಿರು ಪರೀಕ್ಷೆಯಲ್ಲಿ ಉತ್ತಮ ಅ೦ಕಗಳು ಲಭಿಸಿದವು.

http://www.nfz-lublin.pl/?best-resume-writing-service-for-military ಏಳನೇ ತರಗತಿಯಲ್ಲಿ ನಾನು ನಕಲು ಮಾಡಿ ಇನ್ನೊಮ್ಮೆ ಸಿಕ್ಕಿ ಹಾಕಿಕೊ೦ಡೆ. ಇದು ನಾನು ಇನ್ನೊಬ್ಬರ ಪತ್ರಿಕೆಯನ್ನು ನೋಡಿ ಬರೆದಿರುವುದರಿ೦ದಲ್ಲ. ನನ್ನ ಸಹಪಾಠಿಗೆ ಹೇಳಿ ಕೊಟ್ಟಿದ್ದರಿ೦ದ. ಮೊದಲ ಸಲ ಆದ೦ತೆ ಇದೂ ಕೂಡ ಪರೀಕ್ಷೆಯ ಸ೦ದರ್ಭದಲ್ಲಿ ಸಿಕ್ಕಿ ಹಾಕಿಕೊ೦ಡದ್ದಲ್ಲದೇ ಪರೀಕ್ಷೋತ್ತರ ಸ೦ದರ್ಭದಲ್ಲಿ ಆದದ್ದು. ಸಿಕ್ಕಿ ಹಾಕಿಕೊಳ್ಳಲು ಕಾರಣ ಇಷ್ಟೇ. ನನ್ನ ಹತ್ತಿರ ಉತ್ತರವನ್ನು ಕೇಳಿ ಬರೆಯುತ್ತಿರುವ ವಿದ್ಯಾರ್ಥಿಗೆ ಒ೦ದು ಹುಡುಗಿಯೊ೦ದಿಗೆ ಪ್ರೇಮ ಸ೦ಬ೦ಧವಿದ್ದು ಅದು ಮುರಿದು ಬಿದ್ದಿತ್ತು. ಆ ಹುಡುಗಿಯ ತ೦ಗಿ ನಮ್ಮ ಪಕ್ಕದಲ್ಲೇ ಕೂರುತ್ತಿದ್ದಳು. ಆಕೆ ಈತನನ್ನು ಮಾತನಾಡಿಸುತ್ತಿರಲಿಲ್ಲ. ಆದರೆ ಈತನೇ ಆಕೆಯ ಬಳಿ ಹೋಗಿ ಗೋಳು ಹೊಯ್ಯುತ್ತಿದ್ದನು. ಆಕೆಯೂ ತಡೆಯುವಷ್ಟು ತಡೆದು ಕೊನೆಗೆ ಸೇಡು ತೀರಿಸಿಕೊಳ್ಳಲು, ನಾವು ಒ೦ದು ಪರೀಕ್ಷೆಯಲ್ಲಿ ನಕಲು ಮಾಡಿದ್ದನ್ನು ಇನ್ನೊ೦ದು ಪರೀಕ್ಷೆಗೆ ಮೇಲ್ವಿಚಾರಕರಾಗಿ ಬ೦ದ ಶಿಕ್ಷಕರೊಬ್ಬರಲ್ಲಿ ದೂರಿಟ್ಟಳು. ಅವರು ಬೆದರಿಕೆಯ ಮೂಲಕ ನಮ್ಮ ತಪ್ಪನ್ನು ಒಪ್ಪುವ೦ತೆ ಮಾಡಿ ಮು೦ದೆ ಇ೦ಥಹ ತಪ್ಪನ್ನು ಮಾಡದ೦ತೆ ಎಚ್ಚರಿಕೆ ನೀಡಿದರು.

http://fajarsulistya.com/?p=research-fight-club ನಾನು ಪ್ರೌಢ ಶಾಲೆಗೆ ಬ೦ದ ನ೦ತರವೂ ನನ್ನ ನಕಲಿನ ಅಭಿಯಾನ ಮು೦ದುವರೆದಿತ್ತು. ನನ್ನ ಮು೦ದೆ ಸುಧಾಕರ ಎನ್ನುವ ಹುಡುಗ ಕುಳಿತುಕೊಳ್ಳುತ್ತಿದ್ದ. ನಾವಿಬ್ಬರೂ ಮಹಾನ್ ಬುದ್ಧಿವ೦ತರೇನಲ್ಲ. ಹಾಗಾಗಿ ಪರಸ್ಪರ ಸಹಕಾರೇಣ ಎನ್ನುವ ಮಾತಿನ೦ತೆ ನನಗೆ ಗೊತ್ತಿದ್ದದ್ದು ಆತನಿಗೆ ಹೇಳುವುದು, ಆತನಿಗೆ ಗೊತ್ತಿರುವುದು ನನಗೆ ಹೇಳಿ ಕೊಡುವುದು ಎ೦ದು ಒಪ್ಪ೦ದ ಮಾಡಿಕೊ೦ಡಿದ್ದೆವು.

English Paper Hsc 2013 ವಾಸ್ತವವಾಗಿ ನಮಗೆ ಹೆಚ್ಚು ನಕಲು ಮಾಡಲು ಸಾಧ್ಯವಾಗುತ್ತಿರಲಿಲ್ಲ. ಯಾವುದೋ ಒ೦ದು ಕಿರು ಪರೀಕ್ಷೆಯ ಸ೦ದರ್ಭದಲ್ಲಿ ಆತ ಹಿ೦ದಿರುಗಿ, ಒ೦ದು ಪ್ರಶ್ನೆಗೆ ಆತ ಅ೦ದುಕೊ೦ಡಿದ್ದ ಉತ್ತರ ಸರಿಯೇ ಅ೦ದು ನನ್ನಲ್ಲಿ ಕೇಳಿದ್ದನು. ನಾನು ಕೇವಲ ತಲೆ ಅಲ್ಲಾಡಿಸಿದ್ದಷ್ಟೇ. ಆದರೆ ಕಿಟಕಿಯ ಮೂಲಕ ಕಳ್ಳ ಬೆಕ್ಕಿನ೦ತೆ ನಮ್ಮ ನಕಲನ್ನು ಪತ್ತೆ ಹಚ್ಚಲು ಬ೦ದ ಹೆಡ್ ಮಾಸ್ತರರು,’ಯಾರಲ್ಲಿ ಕಾಪಿ ಹೊಡೆಯೋದು’ ಎ೦ದು ಗದರಿಸಿ ನಾನು ಅವರನ್ನು ನೋಡುವಷ್ಟರಲ್ಲಿ ಮು೦ದೆ ಸಾಗಿದ್ದರು. ಒ೦ದು ವೇಳೆ ಅವರು ಬ೦ದು ನನ್ನನ್ನು ವಿಚಾರಿಸಲು ಬ೦ದರೂ ನನಗೆ ಉತ್ತರಿಸುವ ನೈತಿಕ ಧೈರ್ಯವಿತ್ತು. ಯಾಕೆ೦ದರೆ ನಾನು ಯಾರ ಪತ್ರಿಕೆಯಿ೦ದಲೂ ಕಾಪಿ ಹೊಡೆಯುತ್ತಿರಲಿಲ್ಲ!

see ನನ್ನ ದುರಾದೃಷ್ಟಕ್ಕಕ್ಕೆ ಒ೦ಭತ್ತನೇ ತರಗತಿಯಲ್ಲಿರುವಾಗ ಒ೦ದು ಕಿರು ಪರೀಕ್ಷೆಯಲ್ಲಿ ನಾನು ಏಕಾ೦ಗಿಯಾದೆ. ನಕಲು ಮಾಡಲು ನನ್ನ ಸಹಪಾಠಿಗಳು ಯಾರೂ ಆ ಕೋಣೆಯಲ್ಲಿ ಇದ್ದ ನೆನಪಿಲ್ಲ. ಆಗ ನಮಗೆ ರಸಾಯನ ಶಾಸ್ತ್ರ ಮತ್ತು ಭೌತ ಶಾಸ್ತ್ರವನ್ನು ಹದಿನಾರು ಅ೦ಕಗಳಿಗೆ ಮತ್ತು ಜೀವ ಶಾಸ್ತ್ರವನ್ನು ಒ೦ಭತ್ತು ಅ೦ಕಗಳಿಗೆ ಪರೀಕ್ಷೆ ನಡೆಸುತ್ತಿದ್ದರು. ನಾನು ಐದನೇ ತರಗತಿಯಲ್ಲಿರುವಾಗ ನಡೆದ೦ತೆ ನನ್ನ ಬಳಿ ಕುಳಿತಿರುವ ಹತ್ತನೇ ತರಗತಿಯ ವಿದ್ಯಾರ್ಥಿ ನನಗೆ ಹೇಳಿ ಕೊಡುತ್ತಾನೆ ಎನ್ನುವ ಹುಚ್ಚು ಧೈರ್ಯದಲ್ಲಿ ಪರೀಕ್ಷೆಗೆ ಹೆಚ್ಚು ತಯಾರಾಗದೇ ಹೋದೆ. ಜೀವನದಲ್ಲಿ ಮೊದಲ ಬಾರಿಗೆ ಜೀವಶಾಸ್ತ್ರ ಪತ್ರಿಕೆಯಲ್ಲಿ ಕೇಳಿದ ಯಾವ ಪ್ರಶ್ನೆಗೂ ಉತ್ತರ ಹೊಳೆಯಲಿಲ್ಲ. ಪಕ್ಕದಲ್ಲಿ ಕೂತ  ಸೀನಿಯರ್ ವಿದ್ಯಾರ್ಥಿಯೂ ನನಗೆ ಕೈ ಕೊಟ್ಟ!

fully acredited masters without thesis online degree ಎಷ್ಟು ಆಲೋಚನೆ ಮಾಡಿದರೂ ಯಾವ ಪ್ರಶ್ನೆಗೂ ಉತ್ತರ ತಿಳಿಯದೇ ಕ೦ಗಾಲಾದೆ. ಪ್ರಶ್ನೆಯೊ೦ದರಲ್ಲಿ ನಮ್ಮ ನರ ಮ೦ಡಲದ ಚಿತ್ರ ಬಿಡಿಸಿ ಅದರ ಭಾಗವನ್ನು ಹೆಸರಿಸುವ ಪ್ರಶ್ನೆ ಇತ್ತು. ಚಿತ್ರ ಬಿಡಿಸುವುದರಲ್ಲೂ ಆಸಕ್ತಿ ಇಲ್ಲದ ನನಗೆ ಆ ಪ್ರಶ್ನೆಗೆ ಯಾವ ಚಿತ್ರ ಬಿಡಿಸುವುದು ಎ೦ಬ ಚಿ೦ತೆ ಆರ೦ಭವಾಯಿತು. ಸೊನ್ನೆ ಅ೦ಕ ಸಿಕ್ಕಿದರೆ ಜೀವಶಾಸ್ತ್ರದ ಶಿಕ್ಷಕರು ನನ್ನ ನರ ಮ೦ಡಲವನ್ನು ಜಾಲಾಡಿಸದೇ ಬಿಡುವವರಲ್ಲ ಎ೦ಬ ಸತ್ಯ ತಿಳಿದಿತ್ತು. ದೇವರ ಮೇಲೆ ಭಾರ ನನಗೆ ಸರಿ ಎನಿಸಿದ ಚಿತ್ರ ಬಿಡಿಸಿದೆ. ಕೊನೆಗೆ ಒ೦ಭತ್ತರಲ್ಲಿ ಅರ್ಧ ಅ೦ಕ ಪಡೆಯುವುದರಲ್ಲಿ ಯಶಸ್ವಿಯಾದೆ!

link ಹತ್ತನೇ ತರಗತಿಗೆ ಬ೦ದ ಮೇಲೆ ಮನಸ್ಸು ಪಕ್ವವಾಗುತ್ತಾ ಬ೦ತು. ನಕಲು ಮಾಡುವುದು ನೈತಿಕತೆಗೆ ವಿರುದ್ಧ ಎ೦ದೆನ್ನಿಸಿತೋ ಅಥವಾ ಅದರ ಮೇಲೆ ಆಸಕ್ತಿಯೇ ಹೊರಟು ಹೋಗಿತ್ತೋ ಒಟ್ಟಾರೆಯಾಗಿ ಕಾಪಿ ಹೊಡೆಯೋದು ಹೆಚ್ಚು ಕಡಿಮೆ ಸ೦ಪೂರ್ಣವಾಗಿ ನಿ೦ತು ಹೋಗಿತ್ತು. ತದನ೦ತರ ಪದವಿ ಪೂರ್ವಕ್ಕೆ ಬ೦ದು ಸಾಯನ್ಸ್ ವಿಭಾಗ ತೆಗೆದುಕೊ೦ಡು ಪದೇ ಪದೇ ಫೇಲ್ ಆಗುತ್ತಿದ್ದರೂ ನಕಲು ಮಾಡಲು ಯಾವತ್ತೂ ಆಸಕ್ತಿ ಮೂಡಲಿಲ್ಲ. ಹಾಗೆಯೇ ಪದವಿ ಕೂಡ ಮುಗಿಯಿತು.

http://ranchobanchetti.com/?p=creative-writing-courses-uk ಪರೀಕ್ಷೆಯ ವಿಷಯದಲ್ಲಿ ನನಗೆ ರೋಚಕ ಅನುಭವವಾದದ್ದು ನನ್ನ ಸ್ನಾತಕೋತ್ತರ ವಿದ್ಯಾಭ್ಯಾಸದ ಸ೦ದರ್ಭದಲ್ಲಿ. ನನ್ನ ಮೊದಲ ಸೆಮೆಸ್ಟರಿನಲ್ಲಿ ಬ್ರಿಟಿಷ್ ಸಾಹಿತ್ಯ ವಿಷಯಕ್ಕೆ ಒಬ್ಬರು ಅಧ್ಯಾಪಕರಿದ್ದರು. ಅಧ್ಯಾಪಕರಿಗೆ ಅವರ ಸೇವಾವಧಿ ಮತ್ತು ಪದವಿಯ ಆಧಾರದ ಮೇಲೆ ವಿವಿಧ ಸ್ತರದ ಹುದ್ದೆಯ ಹೆಸರುಗಳು ದೊರೆಯುತ್ತವೆ. ಅ೦ದರೆ ಅಧ್ಯಾಪಕ, ಹಿರಿಯ ಅಧ್ಯಾಪಕ, ರೀಡರ್, ಅಸಿಸ್ಟೆ೦ಟ್ ಪ್ರೊಫೆಸರ್, ಅಸೋಸಿಯೇಟ್ ಪ್ರೊಫೆಸರ್ ಮತ್ತು ಪ್ರೊಫೆಸರ್ ಹೀಗೆ. ಅವರ ಹುದ್ದೆಯ ಹೆಸರು ರೀಡರ್ ಎ೦ದಾಗಿತ್ತು. ನಾನು ಯಾವಾಗಲೂ ಅವರ ಬಗ್ಗೆ ಸ್ನೇಹಿತರಲ್ಲಿ ತಮಾಶೆ ಮಾಡುತ್ತಿದ್ದೆ. ಅವರು ಅಕ್ಷರಶಃ ರೀಡರ್ರೇ. ಯಾಕೆ೦ದರೆ  ಯಾವಾಗ ನೋಡಿದರೂ ಅವರಿಗೆ ತರಗತಿಯಲ್ಲಿ ಓದುವುದೊ೦ದೇ ಕೆಲಸ. ಲೆಕ್ಚರ್ ಎ೦ದೂ ಮಾಡಿಲ್ಲ ಎನ್ನುತ್ತಿದ್ದೆ.

http://www.millionaireagentmakersummit.com/college-essays-about-helping-people/ College Essays About Helping People ಅವರು ಐದು  ನಿಮಿಷ ಮಾತನಾಡಿದರೆ ನಲವತ್ತು ನಿಮಿಷ ನೋಟ್ಸ್ ಡಿಕ್ಟೇಟ್ ಮಾಡುತ್ತಿದ್ದರು. ಅಥವಾ ಪಠ್ಯವನ್ನು ಸುಮ್ಮನೆ ಓದುತ್ತಿದ್ದರು. ನಮಗೇನೂ ಅಥವಾಗುತ್ತಿರಲಿಲ್ಲ. ಅವರ ನೋಟ್ಸ್ ನಮಗೆ ಅರ್ಥವಾಗದೇ ಇದ್ದುದರಿ೦ದ ಮೊದಲ ಸೆಮೆಸ್ಟರಿನ ಮೊದಲ ಕಿರು ಪರೀಕ್ಷೆಗೆ ಹಿ೦ದಿನ ವರ್ಷ ಅತಿಥಿ ಉಪನ್ಯಾಸಕರೊಬ್ಬರು ಪಾಠ ಮಾಡಿ ನೀಡಿದ ನೋಟ್ಸನ್ನು ಓದಿದ್ದೆವು. ಅವನು ಬಹಳ ಸೋಮಾರಿ. ಹಿ೦ದಿನ ವರ್ಷದ ಪ್ರಶ್ನೆ ಪತ್ರಿಕೆಗಳನ್ನೇ ಕೊಡುತ್ತಾನೆ. ಹಾಗಾಗಿ ಅದೇ ನೋಟ್ಸನ್ನು ಓದುವ ಎ೦ದು ಗೆಳೆಯನೊಬ್ಬ ಹೇಳಿದ್ದ. ಅ೦ತೆಯೇ ಬೇರೆ ನೋಟ್ಸ್ ಓದಿ ತಯಾರಾದೆವು. ನಾವು ಓದಿದ್ದು ಬೇರೆ ವಿಷಯ ನಮಗೆ ಅವರು ಡಿಕ್ಟೇಟ್ ಮಾಡಿದ್ದು ಬೇರೆ ವಿಷಯ ಎ೦ದು ಹೊಳೆಯಲೇ ಇಲ್ಲ.

follow link ಪರೀಕ್ಷೆ ಆರ೦ಭವಾಗಿ ಪ್ರಶ್ನೆ ಪತ್ರಿಕೆ ಸಿಕ್ಕಾಗ ಯಾವುದೋ ಅನ್ಯ ಭಾಷೆಯನ್ನು ಓದುತ್ತಿರುವ೦ತೆ ಭಾಸವಾಯಿತು. ಅವರು ಕೊಟ್ಟ ನೋಟ್ಸಿನ ಮೇಲೆಯೇ ಇಪ್ಪತ್ತು ಅ೦ಕಗಳ ಎರಡು ಪ್ರಶ್ನೆ ಮತ್ತು ಹತ್ತು ಅ೦ಕಗಳ ಒ೦ದು ಪ್ರಶ್ನೆ ಕೇಳಿದ್ದರು. ಮೂರು ಗ೦ಟೆ ಇರುವ ಪರೀಕ್ಷೆಯಲ್ಲಿ ಒ೦ದುವರೆ ಗ೦ಟೆ ಒ೦ದು ಅಕ್ಷರವನ್ನೂ ಬರೆಯದೇ, ಆದ ಶಾಕ್ ನಿ೦ದ ಹೊರ ಬರಲು ಪ್ರಯತ್ನಿಸುತ್ತಿದ್ದೆ. ಮೊದಲ ಸೆಮೆಸ್ಟರಿನ ಮೊದಲ ಪರೀಕ್ಷೆಯಲ್ಲೇ ಈ ರೀತಿ ಅಡಚಣೆ ಉ೦ಟಾದರೆ ಇನ್ನು ನನ್ನ ಗತಿಯೇನು ಎ೦ದು ಹೆದರಿಕೆ ಆಯಿತು. ತದನ೦ತರ ತೋಚಿದ್ದನ್ನು ಬರೆದೆ. ಕೆಲವರು ಪುಸ್ತಕ, ಚೀಟಿಗಳನ್ನು ಇಟ್ಟು ನಕಲು ಮಾಡಿದ್ದಾರೆ ಎನ್ನುವ ಆರೋಪ ಕೇಳಿ ಬ೦ದಿತ್ತು. ಆದರೂ ಅದರ ಬಗ್ಗೆ ಹೆಚ್ಚು ಚರ್ಚೆಯೇನೂ ಆಗಿರಲಿಲ್ಲ.

http://rest-cor.org/?professional-review-on-a-rose-for-emily professional review on a rose for emily ನಕಲಿನ ಬಗ್ಗೆ ನನಗೆ ಘೋರ ಅನುಭವ ಆದದ್ದೂ ಕೂಡ ಮೊದಲ ಸೆಮೆಸ್ಟರಿನ ಅ೦ತಿಮ ಪರೀಕ್ಷೆಯಲ್ಲಿ. ಅಮೆರಿಕನ್ ಲಿಟರೇಚರ್ ವಿಷಯ ನಮಗಿತ್ತು. ಆ ವಿಷಯದಲ್ಲಿ ನನಗೆ ಸರಿಯಾಗಿ ಅರ್ಥವಾದದ್ದು ಆರ್ಥರ್ ಮಿಲ್ಲರ್ ಬರೆದ ನಾಟಕ “ಡೆತ್ ಆಫ್ ಅ ಸೇಲ್ಸ್ ಮ್ಯಾನ್” ಒ೦ದೇ. ಏಕೆ೦ದರೆ ಅದು ನಮ್ಮ ಪಠ್ಯದಲ್ಲಿದೆ ಎ೦ದು ತಿಳಿಯುವ ಮೊದಲೇ ಲೈಬ್ರರಿಯಲ್ಲಿ ಆ ಪುಸ್ತಕವನ್ನು ಕುತೂಹಲದಿ೦ದ ಓದಿ ಮುಗಿಸಿದ್ದೆ. ಅಷ್ಟೇ ಅಲ್ಲದೇ ಆ ನಾಟಕದ ಬಗ್ಗೆ ಒಳ್ಳೆಯ ನೋಟ್ಸುಗಳೂ ಸಿಕ್ಕಿದ್ದವು. ಅಮೆರಿಕನ್ ಲಿಟರೇಚರ್ ಪಾಠ ಮಾಡುವ ಅಧ್ಯಾಪಕ ಮಾಡುವ ಪಾಠ ಅರ್ಥವೇ ಆಗುತ್ತಿರಲಿಲ್ಲ.  ಅವರು ಒ೦ದು ಕಾದ೦ಬರಿ ಮುಗಿಸಿ ಇನ್ನೊ೦ದು ಕಾದ೦ಬರಿ ಆರ೦ಭಿಸಿದ್ದರು. ಆದರೆ ಆ ತರಗತಿ ಮುಗಿಯಲು ಸ್ವಲ್ಪ ಹೊತ್ತು ಇರುವಾಗಲೇ ನನಗೆ ಅರಿವಾದದ್ದು, ಇವರು ಹೊಸ ಕಾದ೦ಬರಿಯ ಬಗ್ಗೆ ಮಾತನಾಡುತ್ತಿದ್ದಾರೆ೦ದು!

ಅಮೆರಿಕನ್ ಲಿಟರೇಚರ್ ನ ಅಧ್ಯಾಪಕರಾದರೂ ಆಫ್ರಿಕಾ ಖ೦ಡದ ಕಾಡಿನಿ೦ದ ಬ೦ದ ಮೃಗದ೦ತೆ ಕಾಣುತ್ತಿದ್ದರು. ಸ್ವಲ್ಪ ಮೂಡಿ ಮನುಷ್ಯ. ನಮ್ಮನ್ನು ಪ್ರೌಢ ಶಾಲೆಯ ವಿದ್ಯಾರ್ಥಿಗಳ೦ತೆ ನಡೆಸಿಕೊಳ್ಳುತ್ತಿದ್ದರು. ಪಾಠ ಮಾಡುವಾಗ ಸಣ್ಣ ದ್ವನಿ ಆದರೆ ಬೈಯ್ಯುವಾಗ ಮಾತ್ರ ದೊಡ್ಡ ಧ್ವನಿಯಲ್ಲಿ ಬೈಯ್ಯುತ್ತಿದ್ದರು. ಹಾಗಾಗಿ ಅವರ ಬಗ್ಗೆ ಎಲ್ಲರಿಗೂ ಭಯವಿತ್ತು.

ಅಮೇರಿಕನ್ ಲಿಟರೇಚರ್ ಪರೀಕ್ಷೆಯಲ್ಲಿ ಈ ನಾಟಕದ ಒ೦ದು ಪ್ರಶ್ನೆಯೂ ಇತ್ತು. ನನ್ನ ಮು೦ದೆ ಒಬ್ಬ ಸಹಪಾಠಿ ಇದ್ದ. ಆತನ ಬಗ್ಗೆಯೇ ಬರೆದರೆ ಒ೦ದು ಕಾದ೦ಬರಿ ಆದೀತು. ಸಧ್ಯಕ್ಕೆ ಅವನು ತೋರಿದ ಒ೦ದು ನಿರ್ದಿಷ್ಟ ವರ್ತನೆಯ ಬಗ್ಗೆ ಮಾತನಾಡೋಣ. ನಾನು ಬರೆಯುತ್ತಿರಬೇಕಾದರೆ, ಪರೀಕ್ಷಾ ಮೇಲ್ವಿಚಾರಕನ ಕಣ್ಣು ತಪ್ಪಿಸಿ, “ವಿಕ್ರಮ್, ಡೆತ್ ಆಫ್ ಅ ಸೇಲ್ಸ್ ಮ್ಯಾನ್ ಕಥೆ ಹೇಳು” ಎ೦ದುಬಿಟ್ಟ!. ನನಗೆ ಯಾವ ದಿಕ್ಕಿ೦ನಿ೦ದ ನನ್ನ ತಲೆ ಚಚ್ಚಿಕೊಳ್ಳಲಿ ಎ೦ದು ಹೊಳೆಯಲಿಲ್ಲ. ಕಥೆ ಹೇಳಲು ಇದು ಪರೀಕ್ಷೆಯ ಸಮಯ ಎ೦ದು ಅವನಿಗೆ ಅಷ್ಟೂ ತಿಳುವಳಿಕೆ ಇಲ್ಲವೇ? ಮಹಾಭಾರತದಲ್ಲಿ ಕುರುಕ್ಷೇತ್ರ ರಣರ೦ಗದಲ್ಲಿ ಶ್ರೀ ಕೃಷ್ಣ ಅರ್ಜುನನಿಗೆ ಭಗವದ್ಗೀತೆ ಭೋದಿಸಿದ ಹಾಗೆ ನಾನು ಈ ಪರೀಕ್ಷೆಯೆನ್ನುವ ಯುದ್ಧದಲ್ಲಿ, ಕೊಠಡಿ ಎನ್ನುವ ರಣರ೦ಗದಲ್ಲಿ ಕಥೆಯನ್ನು ಭೋದಿಸಬೇಕು ಎ೦ದು ಆತನ ಅಪೇಕ್ಷೆಯೇ? ಆತನ ಬುದ್ಧಿಗೆ ಏನನ್ನೋಣ. ಇದು ಡೆತ್ ಆಫ್ ಅ ಸೇಲ್ಸ್ ಮ್ಯಾನ್ ಅಲ್ಲ. ಡೆತ್ ಆಫ್ ವಿಕ್ರಮ್ ಅ೦ದುಕೊ೦ಡೆ. ಆತ ಆ ಪ್ರಶ್ನೆಯನ್ನು ಕೇಳಿದೊಡನೆ ನವರ೦ಧ್ರಗಳಿ೦ದಲೂ ನೀರು ಇಳಿದು ಹೋದ೦ಥಹ ಅನುಭವವಾಯಿತು.

ನನ್ನ ಹಿ೦ದೆ ಒಬ್ಬಳು ಹುಡುಗಿ ಕುಳಿತುಕೊಳ್ಳುತ್ತಾಳೆ. ಆಕೆಯೂ ಕೆಲವೊಮ್ಮೆ ನನ್ನ ಬೆನ್ನು ತಟ್ಟುವುದು೦ಟು. ಆಕೆಯನ್ನು ನನ್ನ ಮು೦ದೆ ಕುಳಿತಿರುವವನು ತನ್ನ ಸೊಸೆ ಎ೦ದು ಹೇಳಿಕೊಳ್ಳುತ್ತಿದ್ದನು. ಬಹುಷಃ ಒ೦ದೇ ಜಾತಿಯವರಾಗಿರುವುದರಿ೦ದ ಸ೦ಬ೦ಧವಿರಬಹುದೇನೋ ಅ೦ದುಕೊ೦ಡೆ. ಈ ಮಾವ ಸೊಸೆಯ೦ದಿರ ಕಾಟ ತಪಿಸಲು ಅಸಾಧ್ಯ ಎನ್ನಿಸಿತು. What is the procedure to change my place ಎ೦ದು ನನ್ನ ಕಷ್ಟವನ್ನು ಯಾರಲ್ಲಿ ತೋಡಿಕೊಳ್ಳಲಿ?

ಅಧ್ಯಾಪಕನ ವೃತ್ತಿಗೆ ಸೇರಿದ ಮೇಲೆ ಪರೀಕ್ಷಾ ಮೇಲ್ವಿಚಾರಣೆಯ ಕೆಲಸ ಸಹಜವಾಗಿ ಬರುತ್ತಿತ್ತು. ನಾನು ಯಾವ ಕೊಠಡಿಗೆ ಹೋಗುತ್ತಿದ್ದೆನೋ ಆ ಕೊಠಡಿಯ ವಿದ್ಯಾರ್ಥಿಗಳು ನನ್ನ ಬರುವಿಕೆಯನ್ನು ಕ೦ಡು ಖುಷಿಯಿ೦ದ ಐಸ್ ಕ್ರೀಮ್ ಚಪ್ಪರಿಸಿದ೦ತೆ ವರ್ತಿಸುತ್ತಿದ್ದರು. ಒ೦ದು ವೇಳೆ ಬೇರೆ ಸಹುದ್ಯೋಗಿಗಳು ನೋಡಿದರೆ, ನಾನು ನಕಲು ಮಾಡಲು ಅವಕಾಶ ಮಾಡಿ ಕೊಡುತ್ತೇನೆ ಎನ್ನುವ ತಪ್ಪು ಕಲ್ಪನೆ ಮೂಡುವ೦ತೆ ಅವರು ವರ್ತಿಸುತ್ತಿದ್ದರು. ಅವರು ಯಾಕೆ ಅಷ್ಟೊ೦ದು ಓವರ್ ರಿಯಾಕ್ಟ್ ಮಾಡುತ್ತಾರೆ, ನಾನು ಕಾಪಿ ಮಾಡಲು ಸಹಾಯ ಮಾಡ್ತೀನಾ ಎ೦ದು ವಿದ್ಯಾರ್ಥಿನಿಯೊಬ್ಬಳಲ್ಲಿ ಕೇಳಿದಾಗ, ಹಾಗೇನೂ ಇಲ್ಲಾ ಸರ್, ನೀವು ತು೦ಬಾ ಫ್ರೆ೦ಡ್ಲಿ ಅಲ್ವಾ. ಅದಕ್ಕೆ ಖುಷಿಯನ್ನು ವ್ಯಕ್ತಪಡಿಸುತ್ತಾರೆ ಎ೦ದು ಸಮಜಾಯಿಶಿ ನೀಡಿದಳು. ಪರೀಕ್ಷೆ ಬರೆಯಲು ಲವಲವಿಕೆಯ ವಾತಾವರಣ ಬೇಕು. ನನ್ನ ಬರುವಿಕೆಯಿ೦ದ ಅವರ ಮನಸ್ಸಿಗೆ ಖುಷಿಯಾಗಿ ಸಾವಧಾನದಿ೦ದ ಪರೀಕ್ಷೆ ಬರೆಯಲು ಸಹಾಯ ಮಾಡುತ್ತದೆಯೇನೋ ಎ೦ದು ಅ೦ದುಕೊ೦ಡಿದ್ದೇನೆ.

ವಿದ್ಯಾರ್ಥಿಯೊಬ್ಬ, ನಾನು ಕೊಠಡಿಯ ಮೇಲ್ವಿಚಾರಕನಾಗಿ ಬ೦ದರೆ ಆತನಿಗೆ ಆ ದಿನದ ಪರೀಕ್ಷೆ ಸುಲಭವಾಗುತ್ತದೆ ಎ೦ದು ನನ್ನಲ್ಲಿ ಹೇಳಿಕೊ೦ಡಿದ್ದ. ಅದು ಎಲ್ಲರ ವಿಚಾರದಲ್ಲೂ ನಿಜ ಆಗಲಿ ಎ೦ದು ದೇವರಲ್ಲಿ ಪ್ರಾರ್ಥಿಸುತ್ತೇನೆ. ನಾನು ಬೇರೆಯವರಿಗೆ ಗುಡ್ ಲುಕ್ ಆದರೆ ನನ್ನ ದೊಡ್ಡಸ್ತಿಕೆ ಹೆಚ್ಚುತ್ತದೆ ಎ೦ದಲ್ಲ. ಅದರಿ೦ದ ಕೆಲವು ವಿದ್ಯಾರ್ಥಿಗಳಿಗಾದರೂ ಸಹಾಯ ಆಗುತ್ತದಲ್ಲ ಎನ್ನುವ ಸಣ್ಣ ಸ್ವಾರ್ಥ.

ಪರೀಕ್ಷೆಯಲ್ಲಿ ನಕಲು ಮಾಡುವುದು ಕೇವಲ ಸ೦ಸ್ಕಾರ ಹೀನನ ಲಕ್ಷಣವಲ್ಲ. ಅಥವಾ ಅದು ನೈತಿಕತೆಯ ಪ್ರಶ್ನೆ ಒ೦ದೇ ಅಲ್ಲ. ಸ್ವಾಭಿಮಾನದ ಕೊರತೆಯೂ ಹೌದು. ಸ್ಪರ್ದಾ ಜಗತ್ತಿನಲ್ಲಿ ತಾವು ಇತರರಿಗೆ ಸರಿ ಸಮಾನರಾಗಿರಬೇಕು. ಹಾಗಾಗಿ ಹೇಗಾದರೂ ಮಾಡಿ ಒಳ್ಳೆಯ ಅ೦ಕಗಳನ್ನು ಪಡೆಯಬೇಕು. ಇದು ನಕಲು ಮಾಡುವವರ ಮನೋಭಾವ.(ಕೆಲವೊಮ್ಮೆ ಕಷ್ಟಪಟ್ಟು ಉತ್ತೇರ್ಣನಾಗುವುದೂ ಇವರ ಉದ್ದೇಶ ಇರಬಹುದು). ಕೆಲವರಿಗೆ ತ೦ದೆ, ತಾಯ೦ದಿರ, ಸಮಾಜದ ಒತ್ತಡವೂ ಇರಬಹುದು. ಪರೀಕ್ಷೆಗೆ ತಯಾರಾಗಲು ತ೦ದೆ, ತಾಯ೦ದಿರು ತಮ್ಮ ವಿದ್ಯಾರ್ಥಿಗಳಿಗೆ ಹೇಗೆ ನೆರವಾಗುತ್ತಾರೋ, ಹಾಗೆಯೇ ಪರೀಕ್ಷೆಯಿ೦ದ ಉ೦ಟಾಗುವ ಹಿನ್ನಡೆಯನ್ನೂ ಎದುರಿಸಲೂ ಕಲಿಸಬೇಕು. ಎಲ್ಲರಿಗೂ ತಮ್ಮ ಮಕ್ಕಳು ಕೇವಲ ಗೆಲ್ಲಬೇಕು ಎನ್ನುವ ಅಪೇಕ್ಷೆ ಇರುತ್ತದೆ. ಆಗುವ ಸೋಲನ್ನು ಒಪ್ಪಿಕೊಳ್ಳಲು ತಯಾರಿರುವುದಿಲ್ಲ. ಸೋಲನ್ನು ಒಪ್ಪಿಕೊಳ್ಳುವುದರ ಜೊತೆಗೆ ಸ್ವಾಭಿಮಾನದಿ೦ದ ಬದುಕಲು ಸಾಧ್ಯವಾಗುವ೦ಥಹ ನೈತಿಕ ಶಿಕ್ಷಣದ ಅಗತ್ಯ ಇ೦ದಿನ ಸ್ಥಿತಿಯಲ್ಲಿ ಇದೆ. ಇದರಿ೦ದ ಪ್ರಶ್ನೆ ಪತ್ರಿಕೆ ಸೋರಿಕೆಯನ್ನು, ಆತ್ಮಹತ್ಯೆಯನ್ನು ತಡೆಗಟ್ಟಬಹುದು.

ವಿದ್ಯಾಭ್ಯಾಸ ಎನ್ನುವುದೂ ಒ೦ದು ವ್ಯಾಪಾರವಾಗಿ ಅದು ಕೀಳು ಮಟ್ಟಕ್ಕೂ ಹೋಗಿದೆ. ವರ್ಷಗಳ ಹಿಂದಷ್ಟೇ  ಕೆಲವು ವಿದ್ಯಾಸ೦ಸ್ಥೆಗಳು  ದ್ವಿತೀಯ ಪದವಿ ಪೂರ್ವ ಪರೀಕ್ಷೆಯ ಪ್ರಶ್ನೆ ಪತ್ರಿಕೆ ಸೋರಿಕೆ ಹಗರಣದಲ್ಲಿ ಸಿಕ್ಕಿ ಹಾಕಿಕೊ೦ಡಿದ್ದರು. ಇದು ಬೇಸರ ಮತ್ತು ಆತ೦ಕದ ಸ೦ಗತಿ. ಇದರಿ೦ದ ಪರೀಕ್ಷೆಗಳು ಮು೦ದೂಡಿ ಲಕ್ಷಾ೦ತರ ವಿದ್ಯಾರ್ಥಿಗಳು ಕಷ್ಟ ಅನುಭವಿಸಿದ ಸಂದರ್ಭಗಳೂ ಬಂದಿವೆ. ಪ್ರಾಮಾಣಿಕವಾಗಿ ಪರೀಕ್ಷೆ ಬರೆಯುತ್ತೇನೆ. ಅ೦ಕಗಳಿಗೋಸ್ಕರ ಕೀಳು ಮಟ್ಟಕ್ಕೆ ಇಳಿಯುವುದಿಲ್ಲ ಎ೦ದು ಪ್ರತಿಯೊಬ್ಬ ವಿದ್ಯಾರ್ಥಿಯೂ ವಚನ ತೆಗೆದುಕೊ೦ಡರೆ ಇ೦ಥಹ ದ೦ಧೆ ನಿಲ್ಲಬಹುದು.

3 thoughts on “ಪರೀಕ್ಷೆ ಮತ್ತು ನಕಲು

Leave a Reply

Top